Nýsköpunarskýrsla stjórnvalda leggur áherslu á þróun grænna tæknilausna til aukinnar sjálfbærni, sem einnig má sjá þær áherslur af nýtilkynntum aðgerðum stjórnvalda sem felast m.a. í skattaívilnunum til grænna fjárfestinga.
Smelltu til að spila myndbandið
Ennfremur segir í skýrslunni, að með því að uppfylla þarfir á ódýrari og hagkvæmari hátt sé nýsköpun umhverfisvæn í eðli sínu – og því er sú tækni sem nýtt er til að svo megi verða það einnig.
Heimildir úr myndbandi: Negreiro & Madiega, Digital Transformation WEF, Digital Transformation: Powering the Great Reset OECD, Going Digital: Shaping Policies, Changing Lives European Commission, Supporting the Green Transition. Shaping Europe's Digital Future
Þar er kveðið á um ýmis atriði sem snúa beinlíns að tæknilæsi, -menntun og nýtingu tækni, s.s. að aukningu á hagnýtri kunnáttu á sviði tækni, aukningu á framleiðni í atvinnulífinu og endurbótum á tæknigetu atvinnugreina.
Stafræn tækni leikur hlutverk við að ná hverju og einu af yfirmarkmiðunum með einum eða öðrum hætti og getur stutt við framgang fjölmargra undirmarkmiða. Hún getur einnig stutt almennt við aðgerðir stjórnvalda og annarra hagaðila til að ná markmiðunum t.d. með því að efla samskipti og upplýsingaflæði.
En stafræn tækni verður einungis nýtt ef hæfnin til notkunar hennar er til staðar...
Á Íslandi eru þannig karlar líklegri til að verða fyrir áhrifum er konur, minni líkur eru á áhrifum eftir því sem menntunarstig hækkar, meiri líkur eru á áhrifum utan þéttbýlis, yngra fólk, með minni menntun og reynslu, verður fyrir meiri áhrifum en aðrir og einkum er líklegt að störf hverfi sem oft hafa verið fyrstu störf gegna „þannig mikilvægu hlutverki við þjálfun ýmisskonar almennrar færni og jafnvel kynningu á ólíkum geirum og greinum”. Einnig eru einstaklingar með erlent ríkisfang í meiri hættu á að verða fyrir áhrifum. (Ísland og fjórða iðnbyltingin)
Stafræn tækni gerir fólki einnig kleift að eiga í samskiptum og samstarfi hvar sem er, sem er t.d. til bóta fyrir fólk í dreifbýli. Hún eykur upplýsingaflæði og getur auðveldað fólki að taka þátt í samfélagslegum verkefnum og lýðræði. (OECD)
Stafræn hæfni er því lykillinn að jöfnuði í nútíma stafrænu samfélagi og efling hennar því einfaldlega jafnréttismál, eins og fram kemur í leiðarljósi aðgerðaráætlunar fyrir Ísland í fjórðu iðnbyltingunni sem segir: „Að leggja rækt við þekkingu, uppbyggingu hennar og flæði um samfélagið allt til að sporna gegn samfélagi sem skiptist hópa þeirra sem eiga eða eiga ekki, kunna eða kunna ekki, skilja eða skilja ekki.”
Mikil áhersla er lögð á stafræna færni sem grundvöll jafnréttis og jafns aðgengis að þjónustu, námi o.fl. m.a. í stafrænum stefnum fjölmargra landa. Hérlendis hefur verið snert á þessum málum í skýrslunni um fjórðu iðnbyltinguna en þetta hefur ekki verið sett fram í heildstæðri stefnu eða neinskonar aðgerðum þrátt fyrir að í aðgerðaáætlun um fjórðu iðnbyltinguna sé lögð áhersla á mikilvægi þess að kynna áhrif hennar og helstu tækni fyrir almenningi og efla grunnskilning þeirra á henni.
Hér getur bæði heildstæð stefnumótun og Stafrænt hæfnisetur haft mikilvægt hlutverk, en almennt vitundarstarf auk grundvallar-fræðslu og skilvirkara aðgengi að frekari menntun og fræðslu á þessu sviði er mikilvægt svo valdefla megi fólk til að verða virkir þátttakendur í breytingum fjórðu iðnbyltingarinnar.
Í nýrri Vísinda- og tæknistefnu er m.a. lögð áhersla á tækniþróun á heilbrigðissviði.
Stafræn hæfni styður heilsu og velferð með því að gera nýtingu stafrænnar tækni mögulegri.